heilar á húfi, reynslunni ríkari og vonandi glaðar í hjarta

Eftir mikla skemmtan, stuð og galsa í gærkvöldi og 5 tíma svefn eru stelpurnar vaknaðar ótrúlega sprækar og klárar í ferðalagið heim.

Sitjum núna kl 07:00 í rútunni á leið til Kaupmannahafnar, ferðin tekur þrjá og hálfan tíma, eitt stopp á leiðinni þar sem stelpurnar geta fengið sér snarl og jafnvel eytt síðustu sænsku krónunum sínum.

Ættum síðan að hafa góðan tíma á flugvellinum til að sinna síðustu viðskiptaerindum, einhverjar stelpnanna voru búnar að komast að því að þar væri H&M búð, sjáum hvað setur.

Látum gott heita að sinni.

Stelpurnar geta verið miklu meira en sáttar við árangur sinn á Norden Cup, töpuðu fjórum en unnu þrjá.

Það þarf engan snilling til að sjá að við vorum í langerfiðasta riðlinum, Rödekro urðu meistarar og öll hin liðin úr okkar riðli gerðu það sama og við, það er að vinna leiki um sæti, 5.sæti, 9.sæti, 13.sæti og síðan við keppnina um 17-20.

Jæja þá eru allar stelpurnar komnar á fætur, ræs var kl 06:30 þar sem leikur er kl 11:00, allar búnar að borða morgunmat, smá hvíld núna, hlustað á tónlist og slakað á, tökum strætó kl 09:40 á leikinn.

Eigum leik við Torp frá Noregi í dag, þær eru eins og við taplausar í keppninni um sæti 17-20, hafa unnið andstæðingana stærra en við höfum gert, verður erfiður leikur, sjáum hvað setur stelpurnar eru klárar þótt margar þeirra séu orðnar þreyttar eftir mikið álag.  Við vitum að þær munu gefa allt í þennan leik eins og alla hina, sendið góða strauma á þær.

Að leik loknum förum við beint að horfa á strákana spila um 3.sæti, vonandi að þeir nái að landa bronsinu, þeir voru hrikalega svekktir eftir tapið í gær í undanúrslitum, eitthvað komu dómarar þar við miður góða sögu, vonandi að þeir standi sig.

Tökum síðan nokkra tíma í verslanir seinni partinn, kíkjum síðan líklega í keilu og endum á að fara til Papa Joe's og fá okkur pizzu í kvöld.

Stelpurnar færðu afmælisbarninu norden cup bol og fullt af nammi.  Til hamingju með daginn Andrea 14 ára loksins